د افغان کرکټ ستوری نوین الحق یؤ ورځنیو لوبو ته بیا ځلې راتګ
د افغانستان کرکټ ملي ټیم تیز بالر نوین الحق د اوږدې مودې وروسته یو ځل بیا نړیوال کرکټ ته راستنېږي. نوین الحق، چې د ځوانو او تیزو بالونو سره پېژندل کېږي، د شل اوریزو (T20) سیالیو لپاره خورا مهم لوبغاړی دی، خو په دې وروستیو کې یې د یو ورځنیو (ODI) سیالیو څخه استراحت اخیستی و.
اوس هغه تصمیم نیولی چې د نړیوالو سیالیو لپاره یو ځل بیا خپل ځای مستحکم کړي او په ځانګړې توګه د افغانستان لپاره په راتلونکو مهمو سیالیو کې ګډون وکړي. د نوموړي راستنیدل د افغانستان کرکټ ملي ټیم لپاره یو ښه زیری ګڼل کېږي، ځکه چې نوین الحق په تېرو سیالیو کې د پام وړ کارکردګي ښودلې ده.
د سویلي افریقا او ویسټ انډیز ترمنځ د ټیسټ کرکټ درېیمه ورځ: باراني ټیسټ او سوکه پچ
نوموړی به د افغانستان د راتلونکو لوبو په لړۍ کې، چې د نیوزیلینډ او سویلي افریقا پر وړاندې په هند او متحده عربي اماراتو کې ترسره کېږي، برخه واخلي. دا سیالۍ د افغانستان لپاره خورا مهمې دي، ځکه چې د نړیوال جام لپاره د تیاري برخه ګڼل کېږي. نوین الحق هیله لري چې په دې سیالیو کې به ښه کارکردګي وښيي او د خپل ټیم بریا کې به مهم رول ولوبوي.
