د افغان ملې لوبډلې پیلیز توپ وهونکې ابراهیم ځدراڼ د ټپي کېدو له امله له نیوزیلنډ لوبډلې سره ټېسټ لوبه کې برخه نه اخلي

د افغان ملي لوبډلې پیلیز توپ وهونکی ابراهیم ځدران تېره ورځ د تمرین پر مهال ټپي شوی

د افغان کرېکټ بورډ له لوري په اېکس پاڼه لیکل شوي، چې د افغانستان د ملي لوبډلې پیلیز توپ وهونکی ابراهیم ځدران تېره ورځ د تمرین پر مهال ټپي شوی او د نیوزیلنډ تر څنګ له سوېلي افریقا سره هم په لوبلړۍ کې نه شي لوبېدی.

د افغانستان کرېکت بورډ تېره ورځ ناوخته په خپله اېکس پاڼه لیکلي، چې د ملي لوبډلې پيلیز توپ وهونکی ابراهیم ځدران له نیوزیلنډ سره د ټېسټ لوبې د چمتوالي او تمرین پر مهال تېره ورځ په پښه ټپي شوی.

کرېکټ بورډ زیاتوي چې نوموړی به د نیوزیلنډ لوبډلې سره د ټېسټ لوبې او سوېلي افریقا په وړاندې د راتلونکې لوبلړۍ برخه نه وي.

کرېکټ بورډ د ملي لوبډلې فزیوتراپیسټ او ډاکټر له قوله ویلي، چې د ابراهیم ځدران ښنګري یو څه سخته ضربه لیدلې او د ډاکټرانو له لوري ورته د استراحت سپارښتنه شوې.

Salaam everyone,

As you know that, I sustained ankle injury during training before a historic one-off Test match against New Zealand. Unfortunately, this has resulted in my being ruled out of the ongoing Test and the upcoming three ODIs against South Africa.
1/2 pic.twitter.com/GRR0Vm06Cx

— Ibrahim Zadran (@IZadran18) September 9, 2024

ابراهیم ځدران د شل اوریزو، یو ورځینو او ټېسټ لوبو یو له تجربه لرونکو او پیاوړو لوبغاړو څخه دی.

له نیوزیلنډ او سوېلي افریقا سره په راتلونکي لوبلړۍ کې د ابراهیم ځدران نه شتون د نومړي مینه‌وال ډیر خواشیني کړي دي.

دا هم درسره ولولئ :- سریلنکا په درېم ټیسټ لوبه کې انګلستان ته شکست ورکړ